Shimaliy koriyining 2 - numurluq rehbiri kim yungnem xitayni ziyaret qildi


2004.10.18
Share on WhatsApp
Share on WhatsApp

Shimaliy koriyining ikkinchi numurluq rehbiri, aliy xelq parlaménti da'imiy hey'et komitétining bashliqi kim yungnem düshenbe küni béyjinggha yitip kélip, xitaygha qilidighan üch künlük dostluq ziyaritini bashlidi. Xitay hökümitining bu pursettin paydilinip shimaliy koriyige alte terep söhbet üstilige qaytip kélishke bésim ishlitishi mölcherlenmekte.

Firansiye axbarat agéntliqining xewirige qarighanda, kim yungnem ziyariti jeryanida xujintaw qatarliq xitay dölet rehberliri bilen soda alaqe we shimaliy koriye yadro mesilisi üstide söhbet ötküzidiken. Biraq xitay hökümiti uning ziyariti heqqidiki tepsiliy melumatlarni ashkarilimighan.

Xewerge qarighanda, shimaliy koriye yadro mesilisini hel qilish yolidiki alte terep söhbiti üch qarar ötküzülgendin kiyin, shimaliy koriye bu yil 9 - ayda pilanlan'ghan béyjingdiki tötinchi qarar söhbetke qatnishishni ret qilghan. Gerche shimaliy koriye, jenubiy koriyining talash - tartishtiki yadro tetqiqat programmisini élip barghanliqi we amérikining shimaliy koriyige düshmenlik pozitsiyide bolghanliqi üchün söhbetke qatnishishni ret qilghanliqini bildürgen bolsimu, biraq analizchilar pyongyangning amérika prézidént saylimining ayaqlishishini kütiwatqanliqini bildürmekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.