Jenubiy koriye, shimaliy koriyining yadro qoralgha ige ikenlikidin gumanlinidiken


2005.02.14
Share on WhatsApp
Share on WhatsApp

Jenubiy koriye düshenbe küni shimaliy koriyining yadro qoralgha ige ikenlikidin gumanlinidighanliqini bildürdi.

Roytirs agéntliqining xewirige qarighanda, jenubiy koriyining birlikke keltürüsh ministiri chung dongyung düshenbe küni dölet parlaméntida söz qilip, "shimaliy koriyini hazirdin yadro qoralgha ige dölet dep qarash bekla baldur. Chünki, shimaliy koriye téxi atom bombisi siniqi élip barmidi", dédi.

Shimaliy koriye ötken peyshenbe küni bayanat élan qilip, tünji qétim özining yadro qoralgha ige ikenlikini bildürgen hemde shimaliy koriye yadro mesilisini hel qilish yolida jenubiy koriye, amérika, yaponiye, rusiye we xitay bilen ötküzüwatqan alte terep söhbitidin chékinip chiqqanliqini körsetken idi.

Biraq, chung dongyung sözide, hazirghiche shimaliy koriyining yadro qoral yasighanliqi heqqide yekün xaraktérlik birer ispatning yoqliqini tekitlidi. U yene piyongyangning bu bayanatni washin'gton'gha bésim ishlitish üchün élan qilghan bolushi mumkinlikini körsetti. Emma, amérika emeldarliri we mutexessisliri, shimaliy koriye az dégende bir ikki danidin sekkiz danighiche yadro qoralgha ige bolushi mumkin dep qaraydiken.

Shuning bilen bir waqitta, gerche shimaliy koriye alte terep söhbitidin chékinip chiqqanliqini bildürgen bolsimu, biraq xitay hökümiti düshenbe küni rusiyige, béyjingning yéngi bir qarar alte terep söhbitini ilgiri süridighanliqini bildürgen. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.