Xitay: alte dölet söhbitide muqimsiz amillar shekillendi


2005.12.20
Share on WhatsApp
Share on WhatsApp

Xitay hökümiti seyshenbe küni shimaliy koriye yadro mesilisidiki 6 dölet söhbitide bezi muqimsiz amillarning mewjut boliwatqanliqini bildürdi. Xitay yene her qaysi terepning chong weziyetni nezerde tutup, tézdin muwapiq hel qilish usulini tépip chiqishni ümid qilidighanliqini éytti.

Birleshken döletler teshkilati yéqinda "shimaliy koriye kishilik hoquq weziyiti" boyiche qarar maqullap, shimaliy koriyidiki kishilik hoquq weziyitige köngül bölidighanliqini ipadilidi.

Bu heqte toxtalghan xitay tashqi ishlar ministirliqining bayanatchisi chin gang " xitay izchil türde, kishilik hoquq mesilisidin paydilinip, bashqa döletke bésim ishlitishke we siyasiy qarshiliq élip bérishqa qarshi turidu. Shunga biz b d t diki bu qarargha qarshi awaz berduq. Biz her qaysi terepning alaqe bilen mesilini hel qilishini ümid qilimiz" dédi.

Bu yil 9‏-aydin buyan shimaliy koriye bilen amérikining munasiwiti bir qeder jiddiy weziyette turghan idi. Bolupmu yéqinda amérikining jenubiy koriyidiki elchisining shimaliy koriyini jinayi hakimiyet dep atishi, ular otturisidiki munasiwetni téximu yirikleshtürgen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.