Җәнубий корийә шималий корийилик мусапирлар мәсилисидә хитайға наразилиқ билдүрди

Җәнубий корийә, хитай һөкүмитиниң йеқинда хитайда паналиниватқан 7 нәпәр шималий корийлик мусапирларни дөлитигә қайтурвәткәнлики мунасивити билән, дүшәнбә күни хитайниң сейолда турушлуқ баш әлчиханиси вә хитай ташқи ишлар министирлиқиға наразилиқ билдүрди.

Ройтерс ахбарат агентлиқиниң хәвәр қилишичә, дөлитигә қайтурулған шималий корийилик 2 әр 5 аял бу йил 8 - айда сәндоңниң йәнтәй шәһиридики бир хәлқара мәктәпкә қечип кирип панаһлиқ тилигәндин кейин, хитай сақчилири тәрипидин қолға елинған.

Вәқәдин кейин җәнубий корийә һөкүмити хитай даирилири билән көрүшүп, "җоңго һөкүмитиниң инсанпәрвәрликни чиқиш қилип, мусапирларниң җәнубий корийигә кетишигә йол қоюшини үмид қилимиз," дәп илтимас қилған болсиму, әмма хитай һөкүмити мусапирларни шималий корийигә өткүзүп бәргән.

Бу мунасивәт билән җәнубий корийә ташқи ишлар министирлики дүшәнбә күни елан қилған баянатида, хитай даирилириниң һәрикитидин әпсусланғанлиқини вә буниңға қарши туридиғанлиқини билдүрди.

Хитай һөкүмити б д т хәлқара мисапирлар әһдинамисиға қол қойған дөләт болсиму, әмма шималий корийилик мусапирларни қобул қилишни рәт қилип кәлди. (Әркин)