Jenubiy koriye shimaliy koriyilik musapirlar mesiliside xitaygha naraziliq bildürdi
2005.10.10
Jenubiy koriye, xitay hökümitining yéqinda xitayda panaliniwatqan 7 neper shimaliy koriylik musapirlarni dölitige qayturwetkenliki munasiwiti bilen, düshenbe küni xitayning séyolda turushluq bash elchixanisi we xitay tashqi ishlar ministirliqigha naraziliq bildürdi.
Roytérs axbarat agéntliqining xewer qilishiche, dölitige qayturulghan shimaliy koriyilik 2 er 5 ayal bu yil 8 - ayda sendongning yentey shehiridiki bir xelq'ara mektepke qéchip kirip panahliq tiligendin kéyin, xitay saqchiliri teripidin qolgha élin'ghan.
Weqedin kéyin jenubiy koriye hökümiti xitay da'iriliri bilen körüshüp, "jonggo hökümitining insanperwerlikni chiqish qilip, musapirlarning jenubiy koriyige kétishige yol qoyushini ümid qilimiz," dep iltimas qilghan bolsimu, emma xitay hökümiti musapirlarni shimaliy koriyige ötküzüp bergen.
Bu munasiwet bilen jenubiy koriye tashqi ishlar ministirliki düshenbe küni élan qilghan bayanatida, xitay da'irilirining herikitidin epsuslan'ghanliqini we buninggha qarshi turidighanliqini bildürdi.
Xitay hökümiti b d t xelq'ara misapirlar ehdinamisigha qol qoyghan dölet bolsimu, emma shimaliy koriyilik musapirlarni qobul qilishni ret qilip keldi. (Erkin)
Munasiwetlik maqalilar
Köp körülgen xewerler
RFA
- Shinjang uniwérsitétida dersxanidin tutup kétilgen mehmut memtiminning 13 yilliq késilgenliki delillendi
- Yünnen tongxey saqchi xadimi: “Meschit weqesige chétishliq kishiler özini melum qilsa kengchilikke érishidu”
- Türkiye prézidént saylimida rejep tayyp erdoghan utti
- D u q wekilliri latin amérikasi döletliride Uyghur irqiy qirghinchiliqini étirap qildurush pa'aliyiti bashlighan
- Nuri türkel: “Bu irqiy qirghinchiliqni toxtitish amérikaning iqtisadi we xewpsizlikini qoghdash üchünmu muhim”