Талибанлар гөрүгә елинған икки нәпәр җәнубий корийилик аялни қоюп бәргәнликини билдүрмәктә
2007.08.11
Афғанистандики талибан баянатчиси йүсүфахмәд шәнбә күни, гөрүгә илинған 21 нәпәр җәнубий корийилик ичидики 2 икки аялниң қоюп берилгәнликини билдүрди.
Талибан баянатчиси йүсүф ахмәд телефун арқилиқ ғәзни өлкисидики әнгилийә б б с радио - телевизийә ширкитиниң мухбириға, гөрөгә елинған икки нәпәр аялниң кесәлгә гириптар болғанлиқи үчүн қоюп берилгәнликини, бу талибанларниң тоғра нийитини ипадиләйдиғанлиқини тәкитлигән.
23 Нәпәр җәнубий корийилик үч һәптә илгири,ғәзни өлкисидә гөрүгә елинған болуп, уларниң ичидики икки әр өлтүрүветилгән иди.
Бу арида афған һөкүмәт хадимлири, гөрөгә елинған икки аялниң һәқиқәтән қоюп берилгәнликини җәзимләштүрәлмәйдиғанлиқини, илгири талибан баянатчиси ахмәдниң көп қетим сахта учурларни елан қилип кәлгәнликини билдүрди.
Талибанлар вәкиллири икки күндин буян , җәнубий корийә һөкүмәт хадимлири билән афғанистанниң қизил һилал җәмийитидә сөһбәт елип бармақта, талибан тәрәп мухбирларға сөһбәтниң наһайити яхши давамлишиватқанлиқини, гөрүгә елинғучиларниң саламәтлик әһвалиниңму яхши икәнликини ейтқан, талибанлар йәнә, өзлириниң афған һөкүмитидин түрмә ичидики талибан җәңчилирини қоюп беришни тәләп қиливатқанлиқини, бирақ һөкүмәт даирилириниң уларниң тәливини қобул қилмайватқанлиқини билдүрмәктә. (Өмәр қанат)
Мунасивәтлик мақалилар
- Хитай, уйғур паалийәтчиләрни тапшуруши һәққидә пакистанға бесим қилмақта
- Гөрөгә елинған җәнубий корийиликләрни қутқузуш мәсилсидә илгириләш болмиди
- Пакистанда елип берилған өзини өлтүрүвелиш характерлик һуҗумда 9 киши өлди
- Талибанлар гөрүгә елинған корийиликләр мәсилиси үстидә корийә һөкүмити билән сөһбәтләшмәкчи
- Әлқаидичиләр пакистанға һуҗум қилиш һәққидә 8 - айниң 1 - күни видио хәвири тарқатти
- Талибанлар гөрүгә елинған йәнә бир корийиликниң өлтүрүлгәнликини ашкарилиди
- Талибанлар гөрүгә елинған корийиликләрни қоюп беридиғанлиқини билдүрди
- Әсиргә чүшүшкә рази болмиған талибан каттибеши өзини партлитивалди
- Президент мушәррәпниң қйинчилиқи күнсири көпәймәктә