Talibanlar görüge élin'ghan ikki neper jenubiy koriyilik ayalni qoyup bergenlikini bildürmekte

Afghanistandiki taliban bayanatchisi yüsüf'axmed shenbe küni, görüge ilin'ghan 21 neper jenubiy koriyilik ichidiki 2 ikki ayalning qoyup bérilgenlikini bildürdi.

Taliban bayanatchisi yüsüf axmed téléfun arqiliq ghezni ölkisidiki en'giliye b b s radi'o - téléwiziye shirkitining muxbirigha, göröge élin'ghan ikki neper ayalning késelge giriptar bolghanliqi üchün qoyup bérilgenlikini, bu talibanlarning toghra niyitini ipadileydighanliqini tekitligen.

23 Neper jenubiy koriyilik üch hepte ilgiri,ghezni ölkiside görüge élin'ghan bolup, ularning ichidiki ikki er öltürüwétilgen idi.

Bu arida afghan hökümet xadimliri, göröge élin'ghan ikki ayalning heqiqeten qoyup bérilgenlikini jezimleshtürelmeydighanliqini, ilgiri taliban bayanatchisi axmedning köp qétim saxta uchurlarni élan qilip kelgenlikini bildürdi.

Talibanlar wekilliri ikki kündin buyan , jenubiy koriye hökümet xadimliri bilen afghanistanning qizil hilal jem'iyitide söhbet élip barmaqta, taliban terep muxbirlargha söhbetning nahayiti yaxshi dawamlishiwatqanliqini, görüge élin'ghuchilarning salametlik ehwaliningmu yaxshi ikenlikini éytqan, talibanlar yene, özlirining afghan hökümitidin türme ichidiki taliban jengchilirini qoyup bérishni telep qiliwatqanliqini, biraq hökümet da'irilirining ularning teliwini qobul qilmaywatqanliqini bildürmekte. (Ömer qanat)