Қоюветилгән корийилик 19 нәпәр христиан миссионерлири кабулдин йолға чиқти


2007.08.31
Share on WhatsApp
Share on WhatsApp

31- Авғуст җүмә күни, талибан тутқунлуқидин қоюп берилгән корийилик 19 нәпәр христиан миссионерлири, алтә һәптигә йеқин давам қилған тутқундики һаятини аяғлаштуруп афғанистан пайтәхти кабулдин йолға чиқти.

Мәлум болушичә, улар бирләшкән дөләтләр тәшкилатниң айропиланда кабулдин дубәйгә йетип кәлгән болуп, йәрлик бихәтәрлик хадимлириниң билдүрүшичә, мәзкур корийиликләр шәнбә күни әтигәндә корийигә қарап учуп кетидикән.

Талибанлар билән җәнубий корейә һөкүмити арисида елип берилған сүлһи келишимләргә асасән, 29- авғуст чаршәнбә күни, талибан қораллиқ күчлири гөрүгә еливалған19 нәпәр корийиликниң 12 нәпирини қоюп бәргән болуп, чаршәнбә күни талибан командири қалған йәттә нәпәр корийилик тутқунни кәлгүси 48 саәт ичидә қоюветидиғанлиқини билдүргән иди.

Мәлум болушичә, талибан тәрәп қалған 7 нәпәр корийиликни пәйшәнбә күни кәчқурун қоюп бәргән.

Әслидә талибан тәрәп 23 нәпәр корийиликни бир вақитта гөрүгә еливалған болуп буларниң ичидә икки әрни етип ташлиған вә икки аялни бурунрақ қоювәткән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.