Ким җуң ил, вуйи башчилиғидики хитай вәкиллири билән көрүшти


2005-10-09
Share

Шималий корийә рәһбири ким җуң ил, шималий корийә әмгәкчиләр партийиси қурулғанлиқиниң 60 йиллиқи мунасивити билән, хитайниң муавин баш министири ву йи башчилиғидики вәкилләр өмикиниң зияритини қобул қилди. Бу вәкилләр өмики ким җуң илға, хитай дөләт рәиси ху җинтавниң тәбрикнамисини йоллиди.

Франсийә агентлиқиниң хәвәр қилишичә, ву йи бу қетимлиқ зияритидә асаслиқи шималий корийә ядро мәсилисидики 6 дөләт сөһбитини қандақ илгири сүрүш мәсилисидә музакирилишидикән. Униң билән биргә кәлгән вәкилләр йәнә, шималий корийә ядро мәсилисини бир тәрәп қилишқа қатнашқан әмәлдарлар, хитай ташқи ишлар министирлиқиниң муавин министири ву давей вә сода министирлиқиниң хадимлирикән.

Хитай вә шималий корийә һәр иккила тәрәпниң һөкүмәт мәтбуатлирида ядро мәсилиси тилға елинмиған. Шималий корийә өткән ай бейҗиңда өткүзүлгән 6 дөләт сөһбитидә, ядро программисидин ваз кечиш бәдилигә иқтисадий вә енергийә ярдимигә еришишкә мақул болған иди. 5 - Қетимлиқ 6 дөләт сөһбити келәр айниң башлири йәнә бейҗиңда өткүзүлмәкчи. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт