Kim jung il, wuyi bashchilighidiki xitay wekilliri bilen körüshti
2005.10.09
Shimaliy koriye rehbiri kim jung il, shimaliy koriye emgekchiler partiyisi qurulghanliqining 60 yilliqi munasiwiti bilen, xitayning mu'awin bash ministiri wu yi bashchilighidiki wekiller ömikining ziyaritini qobul qildi. Bu wekiller ömiki kim jung ilgha, xitay dölet re'isi xu jintawning tebriknamisini yollidi.
Fransiye agéntliqining xewer qilishiche, wu yi bu qétimliq ziyaritide asasliqi shimaliy koriye yadro mesilisidiki 6 dölet söhbitini qandaq ilgiri sürüsh mesiliside muzakirilishidiken. Uning bilen birge kelgen wekiller yene, shimaliy koriye yadro mesilisini bir terep qilishqa qatnashqan emeldarlar, xitay tashqi ishlar ministirliqining mu'awin ministiri wu dawéy we soda ministirliqining xadimliriken.
Xitay we shimaliy koriye her ikkila terepning hökümet metbu'atlirida yadro mesilisi tilgha élinmighan. Shimaliy koriye ötken ay béyjingda ötküzülgen 6 dölet söhbitide, yadro programmisidin waz kéchish bedilige iqtisadiy we énérgiye yardimige érishishke maqul bolghan idi. 5 - Qétimliq 6 dölet söhbiti kéler ayning bashliri yene béyjingda ötküzülmekchi. (Peride)
Munasiwetlik maqalilar
- Amérika her qaysi tereplerni "birleshme bayanat" ni ijra qilishqa dewet qildi
- Shimaliy koriye yadro qorallardin waz kéchish wedisige yéngi shert qoshti
- Shimaliy koriye yérim arilida tinchliqtin ümid peyda boldi
- Shimaliy koriye yadro qorallar pilanidin waz kechkenlikini jakarlidi
- Shimaliy koriye yadro qorallar söhbiti talash tartishqa chüshüp qaldi