Koriyining béyjingda turushluq bir neper diplomati tamaqtin zeherlinip öldi


2007-08-02
Share

Koriye kündilik gézitining 2 - awghust xewiride éytilishiche , koriyining xitayda turushluq bir elchisi , taladin téz tamaq sétiwélip yégendin kéyin nahayiti éghir ichi sürüp axiri doxturxanida qutquzush ünüm bermey jénidin ayrilghan.

Bu tamaqtin zeherlinip ölüsh hadisisi xitayning saxta mal zeherlik yémeklik setchiliki toghrisida xelqara axbarat saheside kötürülgen ghulghulining qayta küchiyishige seweb boldi.

Koriye axbarat sahesining ölgüchi heqqide bergen xewerliride körsitishiche, 52 yashliq xuwang jung él koriyining béyjingdiki bash elchixanisidiki bir diplomat bolup ,u ötken shenbe yeni 28 ‏- iyul küni kechte xizmettin yénip konsulxana xizmet binasi etrapidiki bir yémeklik dokinidin sandiwich sétiwélip yégendin kéyin derhalla ichi sürüp saqsiz bolup qalghan . Etisi u elchixana kochisidiki bir shexsi ambulatoriyige kirip asma okul urghuzghan . Emma asma okul urghuzup 20 minut bolmayla nepisi qisilip ölgen.

Koriye da'iriliri béyjingda turushluq elchisining tuyuqsiz ölüshige bazardin sétiwalghan sandiwich emes , shexsi doxturxanida uninggha ishletken asma okulningmu sewebchi bolghanliqi gumandin yiraq emeslikini eskertken.

Xitay da'iriliri bu diplomatning ölüm sewebini éniqlap koriye da'irilirige jawab bérishni wede qilip jiddiy tekshürüwatqan iken.

Yéqinda , béyjing téliwézisining bir muxbiri xelqara axbarat sahesige xitayda saxtipezlerning kardon qeghez mantisini satqanliqini pash qilghandin kéyin , gerche xitay hökümiti mezkur xewerni saxta xewer dep étirap qilmighan bolsimu , mushuninggha oxshash tamaqtin zeherlinip ölüsh weqelirining xitayda dawamliq körülüshi kishilerde xitayning yémek ichmek bixeterlikige nisbeten gumanlarni peyda qilmaqta. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet