Korla neshpüti amérikigha ikisport qilinshqa bashlidi
2006.10.04
Shinxu'a agéntliqining xewirige qarighanda, korla neshpüti 9 - ayning 28 - künidin bashlap amérikigha ikisport qilinishqa bashlighan. Korla neshpütini ikisport qilish heqqidiki söhbet 1993 - yilidin bashlap xitay bilen amérika otturisida 13 yil dawamlashqandin kéyin, amérikining yéza igilik ministirliqigha qaraydighan haywanatlarni we üsümlüklerni salametlik jehettin tekshürüsh orgini yéqinda xitayning amérikigha ikisport qilidighan üsümlüklerni tekshürüsh -karantin qilish orginining pilanini resmiy testiqlighan.
Yéqinda amérikigha ikisport qilinishqa bashlighan buxil neshpüt korlining alahide mehsulati. Korlashehiri da'iriside hazir 23 ming 333 géktar yerde neshpütlik bagh bar. Uning yilliq mehsulati texminen 120 ming tonnigha yétidu. Munasiwetlik matériyallarda bayan qilinishiche, Uyghurlar korla rayonida 1500 yildin buyan neshpüt östürüp, uning sortini özlüksiz yaxshilap, korla neshpütini Uyghur yurtliridiki miwiler ichide posti népiz, shirin-sherbetlik, xush puraqliq, temi tildin ketmeydighan eng meshhur sort qilip yétishtürüp chiqqan.
Shinjang xewer torida bayan qilinishiche, korla neshpüti hazir 2300 tonna neshpüt saqliyalaydighan iskilati bar 'topu yéza igilik mehsulatliri shirkiti' dep atilidighan bir xitay shirkiti teripidin ikisport qilinishqa bashlighan. Ikisport qilin'ghan neshpüt kirimining 25% i korla déhqanlirigha tewe bolidiken.
Munasiwetlik maqalilar
- Amérika- xitay soda munasiwitini qayta teltöküs mölcherlesh kérek
- Amérikidiki bir qisim parlamént ezaliri xitayni jazalash heqqide qanun layihisini otturigha qoydi
- Kanada hökümiti xitay shirkitining kanada dölet bayriqi iznikini ishlepchiqirishini cheklidi
- Éwanis xitayni pul qimmitini erkin tutushqa chaqirdi
- Xitay we sherqiy jenubiy asiya döletliri erkin soda kélishimi imzalidi