Dunya tik-tak top lewhe talishish musabiqiside kosowaning bayriqi lepildeydu


2008.02.25
Share on WhatsApp
Share on WhatsApp

Yéngidin musteqilliq élan qilghan kosowaliqlar dölet bayriqini téxi birleshken döletler teshkilatida we bashqa xelq'araliq sorunlarda lepilditishke muyesser bolalmighan bolsimu, emma xitayda ötküzilidighan dunya tik-tak top lewhe talishish musabiqisining musabiqe meydanigha ésish pursitige érishti.

Bu kosowa 17- féwral musteqilliq élan qilghandin kéyin tunji qétim özining bayriqini xelq'ara sorunlarda namayen qilishi bolup, melum bolushiche, bu kosowa üchün zor ghelibe hésablinidiken.

Birleshme agéntliqining körsitishiche,, bayraqni kosowaning 6 kishilik tik-tak topchilar komandisi xitayda ötküzilidighan xelq'araliq musabiqige élip kélidighan bolup, bayraqni kosowa bash ministiri hashim taji komanda ezalirigha tapshurghan. Hashim taji : "bundin kéyin kosowaning tenheriketchiliri kosowa jumhuriyitige wakaliten her xil dunyawi musabiqilerge qatnishidu" dégen.

Melum bolushiche, besh neper kosowaliq albanlar bu yil xitayda ötküzilidighan olimpik yighinigha qatnishishini pilan qiliwatqan bolsimu, emma ularning kosowaning dölet bayriqini musabiqe meydanigha élip kirishide ümid anche zor emes iken.

Xelq'ara olimpik komitétining belgilimisi buyiche, kosowa aldi bilen birleshken döletler teshkilatining resmiy étirap qilishigha érishkendin kéyin, andin olimpikke resimiy dölet süpitide qatnishish salahiyitige ige bolidiken.

Kosowa sérbiyining kontrolluqidiki musulmanlar rayoni bolup, sérbiye hökümiti bu rayonda érqi kemsitish we bashqa siyasiy zorawanliqlarni élip bérip nurghun kishilerning ölüshini keltürüp chiqarghan kiyin, 1999- yili amérika bashchiliqidiki shimaliy atlantik okyan ehdi teshkilati qisimliri sérbiyige hawadin hujum qilip sérbiyining kosowada zorawanliq qiliwatqan hökümitini we armiyisini kosowadin chékindürgen idi.

1999- Yilidin buyan kosowada birleshken döletler teshkilati we shimaliy atlantik ehdi teshkilatining 16 ming neper tinchliq saqlash qisimliri turuwatqan bolup, kosowa 17- féwral musteqilliq élan qilip kosowa jumhuriyitining qurulghanliqini jakarlighan we nurghun döletlerning étirap qilishigha érishken. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet