Bush:" kosowa choqum musteqil bolushi kérek dep qaraymiz" dédi


2007.06.11
Share on WhatsApp
Share on WhatsApp

Albaniye xelqi, 10 iyun albaniyede ziyarette bolghan amérika prézidénti jorj bushni intayin qizghin qarishi aldi. Yolning chiragh tüwrüklirige amérika we albaniye bayraqliri ésilghan bolup, qollirida amérika bayraqliri we "albaniye bushni qarishi alidu" dégen xetler yézilghan pilakatlarni kötürüshüp minglighan amma bushni kütüwélishqa chiqqan.

Washin'giton pochtisi gézitide körsitilishiche, albaniye xelqi bushni xuddi bir qehrimanni qarishi alghandek qizghinliqta kütüwalghan. Bushqa dölet "bayraq médali" bérilgen we uning hörmitige 21 pay hörmet topi étilghan.

Prézidént bushmu özining kosowa musteqilliqni qolash idiyisini qayta tekitlep , "pat yéqinda siler choqum, boldi bes- kosowa musteqildur, deysiler" dédi.

Kosowa musteqilliqining waqit chéki heqqide muxbirlarning sorighan so'allirigha prézidént bush, " waqit chéki mesilisige kelsek, waqit chéki choqum békitilishi kérek. Bu choqum yüz bérish kérek" dédi.

U yene, "bu yerdiki mesile, biz alliqachan bir qarargha kélip bolghan bir ishta yene ayighi chiqmas di'aloglar élip bérish yaki barmasliq. Biz kosowa choqum musteqil bolushi kérek dep qaraymiz" dep tekitlidi. Emma , rusiye kosowaning musteqilliq idiyisige izchil qarishi turup kelmekte.

1999 - Yili amérika we shimaliy atlantik okyan ehdi teshkilati (NATO) birleshme armiyisi sérblarning kosowaliq albanlargha qaratqan irqi tazilash herikitige qarishi jeng élan qilghan we sérblarni kosowadin qoghlap chiqarghan. Shuningdin étibaren kosowada birleshken döletler tinchliq saqlash armiyisi turiwatidu.

Bush albaniyidiki 8 sa'etlik ziyaritini ayaghlashturup sofiyege qarap yürüp ketken . (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.