Косова баш министири : мушу бир қанчә күн ичидә мустәқиллиқ елан қилимиз
Косова баш министири һашим таҗи, косованиң мустәқиллиқини елан қилиш мәсилиси "мушу бир қанчә күнлүк иш" болуп қалғанлиқини җакарлиди. Һашим таҗи явропа иттипақиниң ташқи ишлар комисари җавиер солана билән көрүшкәндин кейин мухбирларға елан қилған баянатида " биз йәнә бәзи тәртипләргә һөрмәт қилишимиз вә бәзи пикирләрни елишимиз керәк " дәйду.
Һашим таҗиниң әскәртишичә, косова явропа иттипақи вә америка билән маслишиш асасида мустәқиллиқини җакарлайдикән. Нөвәттә косова нам җәһәттә йәнила сербийиниң бир қисими болсиму, ликин 1999 - йилдин бери б д т ниң һамийлиқидики район болуп келиватиду. Сербийә даирилири болса косова мустәқиллиқиға қарши турмақта. Косова мустәқиллиқи бу нөвәтлик сербийә президент сайлиминиң асаси күнтәртипини игилигән болуп,- 2 басқучлуқ биләт ташлаш келәр айда елип берилиду.
Хәвәрләргә қариғанда , явропа иттипақи мустәқиллиқ җакарлашни сербийә президент сайлимидин кейин елан қилишни үмид қилидикән. явропа комитетиниң баянатчиси косованиң мустәқиллиқ күни тоғрисида пикир баян қилишни рәт қилип, бу сәзгүр мәсилини тәрәпләрниң әң яхшиси дипломатик йоллар билән бир тәрәп қилишини тәвсийә қилди.
явропа иттипақидики дөләтләр болса косова рәһбәрлирини йәрлик қисимлар косовадики б д т қошунлириниң хизмитини өткүзүвалғичә мустәқиллиқ җакарлимаслиққа үндимәктә. Йәнә бир тәрәптин хитай билән русийә косованиң орни мәсилисидә чоқум сербийиниң мақуллиқини елиш керәк, дегән қарашта чиң туруватиду. Көзәткүчиләрниң әскәртишичә, русийә билән хитай косова мустәқиллиқи чечинийә вә уйғурларниң мустәқиллиқ тәлипини қанунлаштуруп қоюшидин әнсирәйдикән.
Мунасивәтлик мақалилар
- 10 Йил бурунқи "террорист" бүгүн баш министир
- Сербийә парламенти косова мәсилисини музакирә қилди
- Русийә косова мустәқиллиқ мәсилисидә ғәрб әллирини агаһландурди
- Косова албанлири өз алдиға мустәқиллиқ җакарлайдиғанлиқини билдүрди
- Нато балқан районда зораванлиқиниң қайтилинишиға йол қоймайдиғанлиқини җакарлиди
- Косовалиқлар сайлам өткүзди
- Сербийә һөкүмити америкини косовани сүний һәмра дөлити қиливалмақчи болуватиду, дәп әйиплиди
- Буш:" косова чоқум мустәқил болуши керәк дәп қараймиз" деди
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Б д т ниң ички қисмидики нишаниға мухалип қилмишлири вә уйғур мәсилиси
