Бирләшкән дөләтләр тәшкилати бихәтәрлик кеңишидә косованиң мустәқиллиқ мәсилиси музакирә қилинмақта

Бирләшкән дөләтләр тәшкилати бихәтәрлик кеңишиниң 4 ‏- айниң 3 ‏- күнидики йепиқ йиғинда, косованиң пәвқуладә вәкили ахтисари оттуриға қойған косова мустәқиллиқи һәққидики пилан музакирә қилинишқа башлиған. Б д т бихәтәрлик кеңиши бу җәрянда йәнә, сербийә өткүнчи һөкүмитиниң баш миниситири каштуниса билән косова президенти срадиониң пикрини аңлимақчи.

Б б с ниң баян қилишичә, явропа бирлики билән америка ахтисари оттуриға қойған косова мустәқиллиқи пиланини қоллайду. Әмма сербийиниң иттипақдеши болған русийә бу пиланни қоллимайду. Косова албанлири болса һазир косова мустәқил болушқа шәрт һазирлинип болғанлиқини җакарлаватиду. Әмма серблар буни бөлгүнчилик дәп әйиблимәктә. Мулаһизичиләрниң қаришичә, сербийиниң косовада елип барған бастуруш сиясити 10 йил давамлашқандин кейин, косова уруши башланди. Уруштин кейин бирләшкән дөләтләр тәшкилати косовани 8 йил башқурди. Бу җәрянда , косова албанлириниң мустәқиллиқ һәрикәтлири тохтап қалмиди. Шуңлашқа дуня һазир буниңға тәдбир қоллинишқа мәҗбур болуватиду. (Вәли)