Birleshken döletler teshkilati bixeterlik kéngishide kosowaning musteqilliq mesilisi muzakire qilinmaqta
2007.04.04
Birleshken döletler teshkilati bixeterlik kéngishining 4 - ayning 3 - künidiki yépiq yighinda, kosowaning pewqul'ade wekili axtisari otturigha qoyghan kosowa musteqilliqi heqqidiki pilan muzakire qilinishqa bashlighan. B d t bixeterlik kéngishi bu jeryanda yene, sérbiye ötkünchi hökümitining bash minisitiri kashtunisa bilen kosowa prézidénti sradi'oning pikrini anglimaqchi.
B b s ning bayan qilishiche, yawropa birliki bilen amérika axtisari otturigha qoyghan kosowa musteqilliqi pilanini qollaydu. Emma sérbiyining ittipaqdéshi bolghan rusiye bu pilanni qollimaydu. Kosowa albanliri bolsa hazir kosowa musteqil bolushqa shert hazirlinip bolghanliqini jakarlawatidu. Emma sérblar buni bölgünchilik dep eyiblimekte. Mulahizichilerning qarishiche, sérbiyining kosowada élip barghan basturush siyasiti 10 yil dawamlashqandin kéyin, kosowa urushi bashlandi. Urushtin kéyin birleshken döletler teshkilati kosowani 8 yil bashqurdi. Bu jeryanda , kosowa albanlirining musteqilliq heriketliri toxtap qalmidi. Shunglashqa dunya hazir buninggha tedbir qollinishqa mejbur boluwatidu. (Weli)