Axtisari kosowani musteqil qilidighan pilanini b d t bixeterlik kéngishige sunmaqchi

B d t ning kosowa mesilisi boyiche alahide wekili marti axtisari kosowani musteqil bir döletke aylandurudighan pilanini kéler ay b d t bixeterlik kéngishige sunmaqchi.

2‏- Ayning bashlirida finlandiyining sabiq prézidénti we b d t ning kosowa mesilisi boyiche alahide wekili axtisari teripidin ashkarilan'ghan pilanda, gerche kosowa musteqil bir dölet dep atalmighan bolsimu, emma bu pilan musteqil bir dölet üchün kéreklik pütün shertlerni öz ichige alidu.

Kosowadiki albanlarning rehberliri axtisari teripidin otturigha qoyulghan pilanni alliqachan qobul qilghan. Lékin kosowadiki sirb wekilliri pilanni ret qilmaqta. Sirb wekiller axirqi ümidini b d t bixeterlik kéngishining ezasi bolghan rusiye bilen xitaygha baghlighan.

Amérika birleshme agéntliqining xewer qilishiche, kosowadiki sirblarning wekili lyun kojen " rusiye we xitayning raziliqi bolmastin b d t de héchqandaq qarar qobul qilinmaydu. Shuning üchün axtisari pilanining b d t bixeterlik kéngishige sunulidighanliqidin unchila ensrimeymen" dégen.

Kosowaning musteqilliqini qollawatqan amérika hökümiti, axtisari'ining pilanini 1999‏- yilidin béri b d t teripidin bashqurulup kéliwatqan kosowa üchün eng muwapiq pilan dep qarimaqta. (Qanat)