Б д т ниң вәкилләр өмики косованиң истиқбали һәққидә изләнмәктә

Бирләшкән дөләтләр тәшкилатиниң бир вәкилләр өмики бүгүн, 4 - айниң 25 ‏- күни , косованиң мустәқил болуши яки болмаслиқиға даир әмәлий шәрт -шараитларни тәпсилий тәтқиқ қилип, уни б д т бихәтәрлик кеңишиниң қоллаш яки қоллимаслиқ һәққидә ахирқи қарар чиқиришта пайдилинишиға сунуш үчүн явропа бирликиниң броссел шәһиригә кәлди. Б б с ниң баян қилишичә, бирләшкән дөләтләр тәшкилати вәкилләр өмикиниң тәтқиқат паалийити бәш күн давам қилидикән.

Косовани 1999 ‏- йилидин буян б д т вакалитән идарә қилип кәлмәктә. Косовадики албанлар сербийидин айрилип мустәқил болушни үмид қилиду. Косованиң мустәқил болушини қоллаш яки қоллимаслиқ һәққидә йеқинда б д т бихәтәрлик кеңишидә аваз берилиду.

Америка вә явропа бирлики б д т вәкили ахтисариниң пиланини , йәни косованиң мустәқил болушиға йол қоюш пиланини қоллайду. Әмма русийә б д т бихәтәрлик кеңишидә бу пиланни рәт қилидиғанлиқини ипадилимәктә. Әгәр бу қетим б д т вәкилләр өмикиниң тәтқиқати көп дөләт вәкиллирини қайил қилалиса, косованиң мустәқиллиқи ишқа ешиши мумкин. Ундақ болса, сербийә косовадин серблар үчүн йәр - земин тәлипини оттуриға қоюши мумкин. (Вәли)