B d t ning wekiller ömiki kosowaning istiqbali heqqide izlenmekte


2007.04.25

Birleshken döletler teshkilatining bir wekiller ömiki bügün, 4 - ayning 25 ‏- küni , kosowaning musteqil bolushi yaki bolmasliqigha da'ir emeliy shert -shara'itlarni tepsiliy tetqiq qilip, uni b d t bixeterlik kéngishining qollash yaki qollimasliq heqqide axirqi qarar chiqirishta paydilinishigha sunush üchün yawropa birlikining brossél shehirige keldi. B b s ning bayan qilishiche, birleshken döletler teshkilati wekiller ömikining tetqiqat pa'aliyiti besh kün dawam qilidiken.

Kosowani 1999 ‏- yilidin buyan b d t wakaliten idare qilip kelmekte. Kosowadiki albanlar sérbiyidin ayrilip musteqil bolushni ümid qilidu. Kosowaning musteqil bolushini qollash yaki qollimasliq heqqide yéqinda b d t bixeterlik kéngishide awaz bérilidu.

Amérika we yawropa birliki b d t wekili axtisarining pilanini , yeni kosowaning musteqil bolushigha yol qoyush pilanini qollaydu. Emma rusiye b d t bixeterlik kéngishide bu pilanni ret qilidighanliqini ipadilimekte. Eger bu qétim b d t wekiller ömikining tetqiqati köp dölet wekillirini qayil qilalisa, kosowaning musteqilliqi ishqa éshishi mumkin. Undaq bolsa, sérbiye kosowadin sérblar üchün yer - zémin telipini otturigha qoyushi mumkin. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.