Rusiye kosowa musteqilliq mesiliside gherb ellirini agahlandurdi

2007-12-17
Élxet
Pikir
Share
Print

Melum bolushiche, birleshken döletler teshkilati bixeterlik kéngishi mushu charshenbe küni kosowaning kelgüsi mesiliside intayin muhim bir yighin chaqirmaqchi. Mezkur yighin yéqinliship kélishige egiship, düshenbe küni rusiye da'iriliri kosowa mesiliside gherb ellirini agahlandurup, kosowagha musteqilliq bérish " tizginligili bolmaydighan krizislarni" we " jiddiy selbiy aqiwetlerni" keltürüp chiqiridu dep agahlandurdi.

Fransiye agéntliqida körsitilishiche, rusiye tashqi ishlar ministirliki bayanatida: "eger xelq'araliq qanun ijra qilinmisa, kosowaning hazirqi ehwali tizginligili bolmaydighan krizislarni keltürüp chiqirish xetiri astida turmaqta" dep körsetken we kosowaning kelgüsi mesilisi choqum birleshken döletler teshkilatni bixeterlik kéngishi ichide békitilishi lazimliqini tekitligen.

Bayanatta xelq'ara jem'iyet, kosowa öz aldigha jakarlaydighan musteqilliq keltürüp chiqiridighan barliq aqiwetlerni yene bir qétim tepsiliy dengsep körüshke we pristina bilen bélgrad arisida söhbetni kücheytishke chaqirghan.

Xewerde ashkarilinishiche, gherb elliri emeldarlar we mutexessisliri, kosowa rehberlirining kéler ayda musteqil bolush pikrini jakarlap, kéler yili mayda gherbtiki ittipaqdashliridin yawropa ittipaqi we amérika tereplerning maslishish asasida, sérbiyidin pütünley ayrilip chiqishi mumkin ikenlikini ilgiri sürmekte.

Halbuki, sérbiye kosowaning tarixtin buyan sérbiye zémini dep qarap kosowaning musteqil bolush idiyisige küchlük qarshi turmaqta.

Shimaliy atlantik okyan ehdi teshkilati qoshunliri sérbiye hökümiti kosowa albanliri üstidin élip barghan irqiy tazilashni ayaqlashturush üchün 1999- yili sérbiyini bombardiman qilip, sérbiye armiyisini kosowadin chékindürgendin buyan, kosowada birleshken döletler teshkilati tinchliq saqlash qoshunliri turup kelme. (Jüme)

Pikirler (0)
Share
Toluq bet