Сербийә парламенти косова мәсилисини музакирә қилди


2007-12-26
Share

Серблар билән албанлар косованиң келәчәк орни тоғрисида пикир бирликигә келәлмәй, косова мәсилисини келштүрүшниң вақит җәдвили 1 - декабирда тошқандин бери, сербийә парламенти чаршәнбә күни 1 - қетим косова мәсилисини музакирә қилиш мәқситидә топланди. Косова албан һакимийити болса бир қанчә һәптә ичидә косова мустәқиллиқини бир тәрәплимилик җакарлайдиғанлиқини елан қилған иди.

Косова мустәқиллиқиға қарши туруватқан серблар , чаршәнбә күнки йиғинда косова бир тәрәплимилик мустәқиллиқ җакарлиса буниңға қандақ инкас қайтуруш мәсилисини музакирә қилмақчи. Шу күни сербийә һөкүмити бир қанун тәклип лайиһисини парламентниң тәстиқлишиға сунған болуп, қанун лайиһисидә сербийә земин пүтүнликини қоғдашниң алдинқи қатардики вәзипә икәнликини тәкитлигән. Парламентниң ечилиш мурасимида сербийә президенти борис тадич, косова мустәқиллиқини қобул қилмайдиғанлиқини билдүрди шундақла хәлқара җәмийәт қобул қилса сербийиниң косовадики ғәйри албанларни қоғдаш вәзиписини үстигә елишқа тәйяр икәнликини әскәртти.

Көзәткүчиләрниң әскәртишичә, әгәр косова мустәқиллиқини җакарлиса сербийә хәлқара сот мәһкимилиригә косова мустәқиллиқиниң қанунсиз икәнлики үстидә дава қилиши мумкин. Сербийә даирилири йәнә косова мустәқиллиқ җакарлиса уни етирап қилған дөләтләр билән дипломатик мунасивитини үзидиғанлиқини агаһландурмақта.

Косова мустәқиллиқи б д т да русийә, хитай вә иранларниң қарши турушиға учраватиду. Көзәткүчиләрниң әскәртишичә, хитай билән русийә косова мустәқил болса буниң чечәнләр вә уйғурларниң мустәқиллиқ давасини қанунлаштуруп қоюшидин әнсирәйдикән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт