Yawropadiki nopuzluq döletler kosowa musteqilliqini étirap qilishqa bashlidi


2008.02.18
Share on WhatsApp
Share on WhatsApp

Kosowa aldinqi küni musteqilliqini élan qilghandin kéyin, dunyaning herqaysi jaylirida kosowa musteqilliqini qollaydighan döletler köpiyishke bashlighan bolup, roytérsta xewer qilinishiche, 18- féwral düshenbe küni, yawropadiki nopuzluq döletlerdin en'gliye, fransiye, gérmaniye qatarliq döletler kosowaning musteqilliqini étirap qilidighanliqini jakarlap bayanat élan qildi.

Mezkur bayanat, brussélda échilghan yawropa ittipaqi tashqi ishlar ministirliri qatnashqan yighinda élan qilin'ghan. Melum bolushiche, hazir kosowa rehberliri bashqa döletlerdin kosowa musteqilliqini resmiy étirap qilishini telep qilip 192 parche mektup teyyarlap dunyaning herqaysi jayliridiki döletlerge ewetken.

Slowéniye tashqi ishlar ministiri dimitriy rupél yawropa ittipaqidiki nurghun döletlerning kosowa musteqilliqini étirap qilidighanliqini bildürgen bolsa, gérmaniye tashqi ishlar ministiri frank- waltér steynmeyer kosowa musteqilliqni étirap qilishning bir muqerrerlik ikenlikini otturigha qoyghan.

Hazir tanzaniyide ziyarette boluwatqan amérika prézidénti jorj bushmu düshenbe küni, kosowa musteqilliqini qollaydighanliqini bildürdi we " bu kosowaliqlar mana emdi musteqil boldi" dédi.

Kosowa sérbiyining bashqurushidiki az sanliq alban musulmanlar topliship olturaqlashqan rayon bolup, albanlar mezkur rayondiki 2 milyon nopusning 90 pirsentini igileydu.

Kosowada 1999- yilidin buyan shimaliy atlantik okyan ehdi teshkilatining 16 ming kishilik tinchliq saqlash qisimliri turuwatqan bolup, kosowa shundin étibaren birleshken döletler teshkilati we natoning bashqurushida bolup kelgen bolsimu, sérbiye kosowani öz térritoriyisidiki zémin dep qarap kéliwatqan idi. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet