Yaponiye yéngi üsküniler arqiliq xitayning herbi pa'aliyitini közetmekte

'Birleshme agéntliqi' ning tokyodin xewer qilishiche, xitay herbiy küchini hedep ashuruwatqan ehwal astida, yaponiye yéngiche üskünilerni yasap chiqip, xitayning qismen herbiy pa'aliyetlirini éléktro-magnét dolqunliri bilen nazaret qilishqa bashlighan.

Yaponiyide chiqidighan 'yomi'ori shinbon' géziti yaponiyining dölet mudapi'e agéntlirining xitay -yaponiye arisida talash-tartishta turuwatqan rayonlargha yéqin bolghan miyako arilidiki okinawa wilayitide, xitayning herbiy ayropilan we radar sistémisining herikitini közitidighan yéngi üskünilerni ornitishqa bashlighanliqini tepsiliy xewer qilghan. Bundaq yéngi üsküniler mezkur araldin 1120 déngiz chaqirim yiraqliqtiki senkaku arallirida yüz bériwatqan radi'o, radar dolqunlirini perqlendüreleydiken.

Yaponiyining tashqi ishlar ministiri taro asoning bayan qilishiche, xitay 1990 ‏- ylidin buyan herbi küchini özlüksiz ashurushqa bashlighan idi. Hazir xitayning jasus ayropilanliri yaponiyining déngiz teweside élip baridighan pa'aliyitini köpeytip, yaponiyige tehdit salmaqta. (Weli)