Ху җинтав куба билән иқтисадий һәмкарлиқ мунасивитини күчәйтишкә келишти


2004-11-24
Share

Хитай рәиси ху җинтав сәйшәнбә күни кубадики икки күнлүк зияритини ахирлаштуруп, хитайға қайтти. У зиярити җәрянида икки дөләт иқтисадий һәмкарлиқини буниңдин кейин техиму күчәйтишкә келишти.

Ройтерс ахбарат агентлиқиниң хәвәр қилишичә, ху җинтав йәнә сәйшәнбә күни кубада елип берилған бир иқтисадий сөһбәттә, хитай билән кубаниң ортақ нишани барлиқини вә буниң икки дөләт мунасивитини чоңқурлаштурушқа пайдилиқ икәнликини билдүргән.

Куба президенти фидел кастро сөһбәт җәрянида хитайниң иқтисадий тәрәққиятини мәдһийләп, хитайни "дуня иқтисадиниң асаслиқ һәрикәтләндүргүч күчи" дәп атиған.

Шундақла куба дүшәнбә күни хитай тәрәп билән 16 түрлүк сода келишимигә қол қойған болуп, булар кубада никел пишшиқлап ишләш завути қуруш, бирликтә мәбләғ салған кархана бәрпа қилиш шундақла кубаниң никел байлиқини бирликтә ечиш қатарлиқ мәзмунларни өз ичигә алған.

Нөвәттә хитай кубаниң венисиула вә испанийәдин қалсила 3 - чоң сода һәмкардиши болуп һесаблиниду. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт