Кастиро дөләт рәисликидин истипа бәрди


2008.02.19
Share on WhatsApp
Share on WhatsApp

Куба ахбаратлири бүгүн куба һөкүмәт даирилириниң учурлириға асасән, фидал кастрониң дөләт рәисликидин истипа бәргәнликини хәвәр қилди.. Буниң билән кастрониң кубани 48 йил идарә қилиш тарихи ахирлашқан болсиму, әмма у йәнила куба коммунистик партийисидики рәһбәрлик орнини сақлап қалған.

Кастро 1959 - йили кубада сиясий өзгириштин кейин коммунистик партийә рәһбәрликидики һөкүмитини қурған иди. Америка авази радиосиниң хәвиридә тәкитлишичә, йәкшәнбә ечилиш пиланланған куба хәлқ вәкилләр қурултийида кастро келәр нөвәтлик дөләт рәислики сайлимиға қатнашмайдиғанлиқини һәмдә дөләт рәисликидин истипа беридиғанлиқини билдүргән. Бу йил 81 яшқа кәлгән фидал кастирони бәзиләр инқилаби қәһриман дәп тонуса, бәзиләр униңға коммунист диктатор дәп баһа бериду.

Кастро 1960 ‏- йилида русийә билән зич иттипақ қурғандин кейин америка билән соғақ уруши башланған, бу соғақ уруш 40 йил давам қилған болсиму, кастро кубада дектаторлуқини давамлаштуруп кәлди. Сиясий әркинлик издигүчиләрни қаттиқ җазалап, кубада демократийиниң баш көтүрүшини қаттиқ чәкләп кәлгән.

Африқидики бәш дөләткә қаратқан зияритиниң үчинчи бекити ривандаға кәлгән америка президенти җорҗ буш, бүгүн, фидрал кастрониң дөләт рәисликидин истипа бәргәнлики мунасивити билән сөз қилип,"кастрониң истипа бериши кубада демократийиниң ишқа ешишиниң башлиниш нуқтиси болуши керәк дәп ойлаймән, куба хәлқи етиқади сәвәблик түрмигә соланған хәлқ, куба хәлқи әркин җәмийәттә яшаш һоқоқидин мәһрум қилинған хәлқ " дегән. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт