Kastiro dölet re'islikidin istipa berdi


2008-02-19
Share

Kuba axbaratliri bügün kuba hökümet da'irilirining uchurlirigha asasen, fidal kastroning dölet re'islikidin istipa bergenlikini xewer qildi.. Buning bilen kastroning kubani 48 yil idare qilish tarixi axirlashqan bolsimu, emma u yenila kuba kommunistik partiyisidiki rehberlik ornini saqlap qalghan.

Kastro 1959 - yili kubada siyasiy özgirishtin kéyin kommunistik partiye rehberlikidiki hökümitini qurghan idi. Amérika awazi radi'osining xewiride tekitlishiche, yekshenbe échilish pilanlan'ghan kuba xelq wekiller qurultiyida kastro kéler nöwetlik dölet re'isliki saylimigha qatnashmaydighanliqini hemde dölet re'islikidin istipa béridighanliqini bildürgen. Bu yil 81 yashqa kelgen fidal kastironi beziler inqilabi qehriman dep tonusa, beziler uninggha kommunist diktator dep baha béridu.

Kastro 1960 ‏- yilida rusiye bilen zich ittipaq qurghandin kéyin amérika bilen soghaq urushi bashlan'ghan, bu soghaq urush 40 yil dawam qilghan bolsimu, kastro kubada déktatorluqini dawamlashturup keldi. Siyasiy erkinlik izdigüchilerni qattiq jazalap, kubada démokratiyining bash kötürüshini qattiq cheklep kelgen.

Afriqidiki besh döletke qaratqan ziyaritining üchinchi békiti riwandagha kelgen amérika prézidénti jorj bush, bügün, fidral kastroning dölet re'islikidin istipa bergenliki munasiwiti bilen söz qilip,"kastroning istipa bérishi kubada démokratiyining ishqa éshishining bashlinish nuqtisi bolushi kérek dep oylaymen, kuba xelqi étiqadi seweblik türmige solan'ghan xelq, kuba xelqi erkin jem'iyette yashash hoqoqidin mehrum qilin'ghan xelq " dégen. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet