Amérika tashqiy ishlar ministiri rayis kurdistanni ziyaret qildi

Amérika tashqiy ishlarministiri kondiliza rayis, jüme küni shimaliy iraqtiki kurdistan rayonining merkizi erbilde kurdistan prézidénti mes'ud barzani bilen söhbet ötküzdi.

Rayisning kürdistan ziyariti iraqtiki étnik, diniy we siyasiy guruhlar arisida mewjüt ixtilaplarni yumshitip, qirghinchiliqqa xatime bérishni meqsed qilghan bu sepirining bir qisimi. Mes'ud barzani shuni küni rayis bilen birge ötközgen muxbirlarni kütüwélish yighinida, kurdistanning iraqtin ayrilip chiqip musteqilliq jakalash éhtimalini chetke qaqti. U, kurdlarning öz teqdirini özi belgilesh hoquqi bar bolsimu, lékin " fédiral, démokratik we köp xillashqan iraqni" terep tutudighanliqini bildürdi.

Yéqindin béri baghdat hökümiti bilen kurdistan rayoni, shimaliy iraqning néfit bayliqi we türkmenler köp sanliqni igileydighan kerkük shehirining orni mesiliside ixtilapqa duch kelgendin kéyin, barzani iraq fédiratsiyisining kurdistandiki dölet bayraqlirini élip tashlighan. Rayis barzani bilen türkiyige qarshi shimaliy iraqta qoralliq pa'aliyet élip bériwatqan kurdistan ishchilar partiyisi p k k mesilisini muzakire qilghan. Amérika türkiyining p k k mesiliside bésimigha uchrimaqta idi.