Iraqtiki kürtler rayonida partlash yüz bérip az dégende 50 kishi qaza qildi


2005.05.04
Share on WhatsApp
Share on WhatsApp

Charshenbe küni iraqning shimalidiki kürtler olturaqlashqan erbil shehiride özini öltüriwélish xaraktérlik partlash yüz bérip, az dégende 50 kishi qaza qildi hemde 150 tin köp kishi yarilandi.

Amérika birleshme agéntliqining xewirige qarighanda, weqe bu yerdiki bir saqchiliqqa qobul qilish merkizide yüz bergen bolup, partlash sadir qilghuchi yalghandin saqchiliqqa iltimas qilish nami bilen bu merkezge kirgen hetta tizimgha aldurushqa kelgen bashqa yashlar bilenmu sözleshken. Arqidinla u özidiki bombini partlatqan.

Yéqinqi bir nechche künning ichide iraqta qarshiliq weqeliri bir qeder köp yüz bergen bolup, téxi bir künning aldidila waqitliq iraq hökümiti qesem bérip wezipe tapshuriwalghan idi. Iraq da'irilirining melum qilishiche, bolupmu iraqtidiki saqchilar we saqchiliqqa iltimas qilghuchilar qarshilashquchilarning asasliq hujum qilish nishani bolup qalghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.