Gérmaniye parlaménti xitayning "lawgey" tüzümini eyibleydighan qarar lahiyisini muzakire qildi

Gérmaniye fédéral parlaménti peyshenbe küni xitayning emgek bilen özgertish tüzümini eyibleydighan bir qarar lahiyisini muzakire qilip, emgek bilen özgertish tüzümi qanun'gha xilap bolghan basturush xaraktérlik tüzüm, dep eyiplendi.

Xewerlerge qarighanda mezkur qarar lahiyisi bu yil 3 - ayda hakimiyet béshidiki xristyan démokratlar ittipaqi, libéral démokratlar partiyisi we yéshillar partiyisining parlaménttiki ezaliri teripidin otturigha qoyulghan. Qarar lahiyiside xitayning hökümet terep istilistikiliq melumatliri neqil keltürüp, xitaydiki emgek bilen özgertish lagirlirida 200 ming ademning tutup turuliwatqanliqi, bu kishilerning herküni heqsiz emgekke sélinidighanliqini tekitligen.

Qara lahiyiside xitay tawarlirigha belge sélip, emgek bilen özgertish lagirlirida ishlep chiqirilghan towarlarning gérmaniye we yawropa bazirigha éqip kirishidin saqlinishqa chaqirghan. Qarar lahiyiside yene gérmaniye hökümitidin xitayning öktichi zatlargha ziyankeshlik qiliwatqanliqini eyiblesh telep qilindi.

Qarar lahiyisi peyshenbe küni awazgha qoyulushtin burun, xitayning gérmaniyide turushluq elchixanisi yazma shekilde nota tapshurup, bu qarar junggoning ichki ishlirigha qopalliq bilen arilashqanliq, dep naraziliq bildürdi. (Erkin)