ئامېرىكا ئاۋام پالاتاسى تەيۋەن بىلەن دىپلوماتىك ئالاقىنى ئەسلىگە كەلتۈرۈش ھەققىدە قارار لايىھىسى ئوتتۇرىغا قويدى


2005-02-17
Share

ئامېرىكا دۆلەت مەجلىسى ئاۋام پالاتاسى چارشەنبە كۈنى بىر قارار لايىھىسىنى ئوتتۇرىغا قويۇپ، ئامېرىكىدىن بىر خىتاي پرىنسىپىدىن ۋاز كېچىپ، تەيۋەن بىلەن بولغان دىپلوماتىك مۇناسىۋىتىنى ئەسلىگە كەلتۈرۈشنى تەلەپ قىلدى.

فرانسىيە ئاخبارات ئاگېنتلىقىنىڭ خەۋىرىگە قارىغاندا، بۇ قارار لايىھىسىنى ئامېرىكا دىموكراتچىلار ۋە جۇمھۇرىيەتچىلەر پارتىيىسىنىڭ پارلامېنت ئەزالىرى بىرلىكتە ئوتتۇرىغا قويغان. مەزكۇر قارار لايىھىسىنى تونۇشتۇرغان پارلامېنت ئەزاسى توم تانكىرە دو: "ئامېرىكا 'بىر خىتاي پىرىنسىپىئ نى بىكار قىلىشى كېرەك. چۈنكى بۇ پرىنسىپ تەيۋەننى خىتاينىڭ بىر قىسمى دەپ ئېتىراپ قىلغانلىق . تەيۋەن ئەركىن ، ئۆز ئىگىلىك ھوقۇقىغا ئىگە بىر دۆلەت" -دېگەن.

ئامېرىكا ئاۋام پالاتاسى بۇ قارار لايىھىسىنى ئوتتۇرىغا قويغاندىن كىيىن، خىتاي تاشقى ئىشلار مىنىستىرلىقىنىڭ باياناتچىسى كۇڭ چۈئەن پەيشەنبە كۈنى بايانات ئېلان قىلىپ: "ئامېرىكا ئاۋام پالاتاسىنىڭ بۇ قارار لايىھىسى خىتاينىڭ ئىچكى ئىشلىرىغا قوپاللىقچە ئارىلاشقانلىق. خىتاي ھۆكۈمىتى بۇنىڭغا قەتئىي قارشى تۇرىدۇ" دېدى.

ئامېرىكا 1979 - يىلى خىتاي بىلەن دىپلوماتىك مۇناسىۋەت ئورنىتىش بىلەن بىللە، تەيۋەن بىلەن بولغان دىپلوماتىك مۇناسىۋىتىنى ئۈزگەن ئىدى. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت