Amérika awam palatasi teywen bilen diplomatik alaqini eslige keltürüsh heqqide qarar layihisi otturigha qoydi


2005-02-17
Share

Amérika dölet mejlisi awam palatasi charshenbe küni bir qarar layihisini otturigha qoyup, amérikidin bir xitay prinsipidin waz kéchip, teywen bilen bolghan diplomatik munasiwitini eslige keltürüshni telep qildi.

Fransiye axbarat agéntliqining xewirige qarighanda, bu qarar layihisini amérika dimokratchilar we jumhuriyetchiler partiyisining parlamént ezaliri birlikte otturigha qoyghan. Mezkur qarar layihisini tonushturghan parlamént ezasi tom tankire do: "amérika 'bir xitay pirinsipi' ni bikar qilishi kérek. Chünki bu prinsip teywenni xitayning bir qismi dep étirap qilghanliq . Teywen erkin , öz igilik hoquqigha ige bir dölet" -dégen.

Amérika awam palatasi bu qarar layihisini otturigha qoyghandin kiyin, xitay tashqi ishlar ministirliqining bayanatchisi kung chü'en peyshenbe küni bayanat élan qilip: "amérika awam palatasining bu qarar layihisi xitayning ichki ishlirigha qopalliqche arilashqanliq. Xitay hökümiti buninggha qet'iy qarshi turidu" dédi.

Amérika 1979 - yili xitay bilen diplomatik munasiwet ornitish bilen bille, teywen bilen bolghan diplomatik munasiwitini üzgen idi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet