Teywenning sabiq prézidénti li dingxüyning amérika ziyariti xitayning ghezipini ‎qozghidi


2005.10.20

‎ Teywenning musteqilliqni yaqlaydighan sabiq prézidénti li dingxüy charshenbe küni ‎amérika dölet mejliside uyushturulghan bir ziyapette nutuq sözlep, kompartiye ‎hakimmutleqlighidiki xitayning dunyaning bixeterlikige xewp ikenlikini bildürdi.‎

Li dingxüy sözide, "démokratiye bilen erkinlik, teywen we amérika ortaq ‎qoghlishiwatqan ghaye. Halbuki xitayning démokratiyilishishi asiyadiki toqunushlarning ‎aldini alidighan zörür amil" dep bildürdi. ‎

‎ Amérika dölet mejlisi awam palatasi xitay ishliri guruppisining bashchiliqida ‎uyushturulghan bu qétimqi li dingxüyni kütüwélish yighinigha amérikining ikki ‎palatasining 20 din artuq ezasi qatnashti we söz qildi. ‎

‎ Ular xitay rehberlirini "mustebit hökümdarlar" dep atap, li dingxüyni teywenning ‎‎" démokratiye péshwasi" dep teriplidi. Kütüwélish yighinida söz qilghan qismen palata ‎ezaliri, teywenning xelq'ara organlargha qatnishishini qollaydighanliqini bildürdi. ‎

‎ Li dingxüyning bu qétimqi amérika ziyaritining asasliq meqsiti , teywen xitayning ‎qoralliq hojumigha uchrighan ehwalda amérikini teywenni qoghdashqa chaqirish idi. ‎

‎ Li dingxüyning bu qétimqi amérika sepiri we dölet mejliside sözligen nutuqigha qarita, ‎xitay tashqi ishlar ministirliqi peyshenbe küni bayanat élan qilip,li dingxüyni chataq ‎chiqarghuchi dep atap, uni amérika - xitay munasiwitini buzushqa uruniwatidu dep ‎eyiblidi. (Arzu)‎

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.