Amérika, liwandiki chet'el ishghaliyitini axirlashturush waqti keldi, dédi

Amérika hökümitining bayanatchisi, süriye qoshunlirining liwandiki ishghaliyitige xatime bérip, liwan musteqilliqini eslige keltürüsh waqti kelgenlikini bildürdi. Aq sarayning bayanatchisi mikkililanning bildürüshiche, amérika b d t xewpsizlik kéngeshidiki döletler bilen süriyining liwandiki ishghaliyitige xatime bérish shundaqla xaririning qatilini jazalash mesilisini muzakire qilghan.

Bu arida amérika süriyidiki bash elchisini washin'gton'gha chaqirtip, sabiq liwan bash ministiri xaririning ölümini shundaqla liwanda qaytidin ichki urush partlash ihtimalliqining bar - yoqliqini sürüshtürgen. Amérikining süriyidiki bash elchisi margarét skobéy,demeshqtin ayrilishtin ilgiri süriye da'irilirige amérikining xaririning ölümige jiddi qarawatqanliqi toghrisidiki xétini tapshurghan.

Amérika tashqi ishlar ministirliqining bayanatchisi richard bawchér, süriyini biwaste tenqid qilmidi. Biraq u, "düshenbe künki partlash süriyining liwandiki ichki bixeterlikni sewep qilip liwanda qoshun turghuzushigha guman tughdurdi" dep körsetti.

B d t bash katipi kofi annan süriye prézidénti bashar es'edke xet yézip, süriyidin liwandiki qoshunlirini élip chiqip kétishni telep qilghan. B b s xewer qilishiche, düshenbe küni béyruttiki partlash weqeside ölgen sabiq liwan bash ministiri xariri, özini öltürüwélish xaraktérlik hujumgha uchrighan. (Erkin)