Süriye liwandiki qoshunini 5 - ayghiche chékindürüp chiqmaqchi


2005-03-09
Share

Süriyeperes liwan prézidénti emil laxod charshenbe küni parlamént ezaliri bilen hökümetni qayta teshkillesh meslisini muzakire qilishqa bashlidi.

Amérika birleshme agéntliqining xewirige qarighanda, parlamént ezaliri prézidéntqa, liwandiki süriyige qarshi öktichilerning bésimi astida bash ministirliq wezipisidin istipa bergen omar karamini qayturup kélish teklipini bergen. Bu elwette liwandiki öktichilerning naraziliqini qozghaydu.

Buning bilen bir waqitta yene, süriye armiyisi liwanning sherqidiki qoshunlirini qayta orunlashturushqa bashlidi. Bu ularning liwandin chékinip chiqishidiki birinchi basquch idi.

Seyshenbe küni süriyining amérikida turushluq bash elchisi mustafa süriyining liwandiki qoshunlirini 5 - ayda ötküzülidighan liwan parlamént saylimidin burun chékindürüp bolidighanliqini bildürdi. Buningdin awal birleshken döletler teshkilati we amérika hökümiti süriyining liwandiki qoshunini chékindürüshni telep qilghan idi.

Féwral éyining axirliridin bashlan'ghan süriyige qarshi küchlerning namayishi dawamlishiwatqan peytte, seyshenbe küni liwandiki süriyini qollaydighan nechche yüz ming kishi namayish ötküzdi. Shundaqla bu qétimliq namayishning kölimi süriyige qarshi élip bérilghan namayishlardinmu chong bolghan. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet