Ливан һөкүмәт қошуни билән исламий күчләр арисида тоқунуш йүз бәрди


2007.09.02
Share on WhatsApp
Share on WhatsApp

Ливан һәрбий даирилири йәкшәнбә күни ливанниң тириполи шәһириниң шималидики пәләстин мусапирлири лагери әтрапида ливан һөкүмәт қошунлири билән бу җайға йошурунған пәләстин фатаһ тәшкилатиниң қораллиқ гуруппилири арисида тоқунуш йүз берип, аз дегәндә икки тәрәптин 20 нәччә адәмниң өлгәнликини елан қилди.

Бу йәрдики 100 дин артуқ фатаһ исламий тәшкилатиниң әзалири мәзкур мусапирлар лагеридин айрилиш үчүн һәрикәт қилған болуп, нәтиҗидә тоқунуш келип чиқип, йәттә нәпәр фатаһ әзаси тутулған 20 нәччә нәпири өлгән, ливан тәрәптин икки адәм чиқим болған. Бу йәрдә һазир 100 дин артуқ қораллиқ фатаһ тәшкилатиниң әзаси бар болуп, тунҗи җәң 5-айда партлиғандин кейин ливан армийиси уларни қорал ташлашқа қистап қоршивалған иди.

Ливандики мәзкур пәләстин мусапирлар лагерида 30 миңдин артуқ адәм бар болуп, бу җай әмәлийәттә, пәләстин исламий гуруппиларниң тәрбийилиниш мәркизигә айлинип қалған икән. Ливан -исраилийә урушидин кейин, ливан һөкүмити бу җайни тазилашни қарар қилған болуп, пәләстин исламий гуруппилири билән ливан һөкүмәт армийиси арисида тоқунуш йүз берип, икки тәрәптин 300 гә йеқин адәмниң өлүши келип чиққан. Нөвәттә, мусапирларниң зор көпчилики лагердин қечип кәткән болуп, қораллиқ гуруппилар давамлиқ қорал ташлашни рәт қилған.( Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.