Liwan hökümet qoshuni bilen islamiy küchler arisida toqunush yüz berdi

Liwan herbiy da'iriliri yekshenbe küni liwanning tiripoli shehirining shimalidiki pelestin musapirliri lagéri etrapida liwan hökümet qoshunliri bilen bu jaygha yoshurun'ghan pelestin fatah teshkilatining qoralliq guruppiliri arisida toqunush yüz bérip, az dégende ikki tereptin 20 nechche ademning ölgenlikini élan qildi.

Bu yerdiki 100 din artuq fatah islamiy teshkilatining ezaliri mezkur musapirlar lagéridin ayrilish üchün heriket qilghan bolup, netijide toqunush kélip chiqip, yette neper fatah ezasi tutulghan 20 nechche nepiri ölgen, liwan tereptin ikki adem chiqim bolghan. Bu yerde hazir 100 din artuq qoralliq fatah teshkilatining ezasi bar bolup, tunji jeng 5-ayda partlighandin kéyin liwan armiyisi ularni qoral tashlashqa qistap qorshiwalghan idi.

Liwandiki mezkur pelestin musapirlar lagérida 30 mingdin artuq adem bar bolup, bu jay emeliyette, pelestin islamiy guruppilarning terbiyilinish merkizige aylinip qalghan iken. Liwan -isra'iliye urushidin kéyin, liwan hökümiti bu jayni tazilashni qarar qilghan bolup, pelestin islamiy guruppiliri bilen liwan hökümet armiyisi arisida toqunush yüz bérip, ikki tereptin 300 ge yéqin ademning ölüshi kélip chiqqan. Nöwette, musapirlarning zor köpchiliki lagérdin qéchip ketken bolup, qoralliq guruppilar dawamliq qoral tashlashni ret qilghan.( Ümidwar)