Әнгилийә сақчилири лондонда нормал һаятниң әслигә келишини тәшәббус қилмақта


2005-07-11
Share

Әнгилийә сақчи даирилири 7 - июл йүз бәргән террорлуқ һуҗумини тәкшүрүп ениқлаш хизмитини давамлаштуруш билән биргә, лондон хәлқиниң нормал һаятни әслигә кәлтүрүшини тәшәббус қилди.

Әнгилийидә йүз бәргән террорлуқ һуҗуми, лондон хәлқини сарасимигә селип, хәлқниң турмушини пүтүнләй қалаймиқанлаштурувәткәндин сирт, лондондики аһалиләрниң көпинчиси өйлиригә бекинивалған, һәтта хизмәт ташлиған.

Әнгилийиниң қатнаш сақчи әмәлдари әндий троттер, пуқраларниң бүгүндин етибарән нормал турмушқа қайтип, хизмәткә чүшүп, шәһәргә киришини тәшәббус қилди.

Әнгилийә б б с радио - телевизийә ширкитиниң хәвәр қилишичә, әнгилийә баш вәзири тонй бләйер, өктичи партийәләрниң, партлаш һуҗуми дөләт бихәтәрлик органлириниң сәвәнликидин мәйданға кәлди дегән қаришиниң тамамән хата икәнликини билдүргән.

7 – Июл йүз бәргән партлашта һазирға қәдәр 49 кишиниң һаятидин айрилғанлиқи, 31 кишиниң йоқап кәткәнлики, 700 дин артуқ адәмниң яриланғанлиқи мәлум болмақта.

Хитайниң әнгилийидә турушлуқ һөкүмәт хадиминиң ейтишичә, партлашта бир хитай пуқраси яриланған, бир хитай аял пуқраси йоқап кәткән.

Әнгилийә қатнаш сақчи әмәлдари әндй троттер "әгәр, лондонлуқлар шәһәргә кирип хизмәткә чүшмәй, нормал һаятни әслигә кәлтүрмәйдикән, у һалда партлаш һуҗумини кәлтүрүп чиқарғучилар өз мәқситигә йәткән болиду" дәп көрсәтти. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт