En'giliye saqchiliri londonda normal hayatning eslige kélishini teshebbus qilmaqta


2005-07-11
Share

En'giliye saqchi da'iriliri 7 - iyul yüz bergen térrorluq hujumini tekshürüp éniqlash xizmitini dawamlashturush bilen birge, london xelqining normal hayatni eslige keltürüshini teshebbus qildi.

En'giliyide yüz bergen térrorluq hujumi, london xelqini sarasimige sélip, xelqning turmushini pütünley qalaymiqanlashturuwetkendin sirt, londondiki ahalilerning köpinchisi öylirige békiniwalghan, hetta xizmet tashlighan.

En'giliyining qatnash saqchi emeldari endiy trottér, puqralarning bügündin étibaren normal turmushqa qaytip, xizmetke chüshüp, sheherge kirishini teshebbus qildi.

En'giliye b b s radi'o - téléwiziye shirkitining xewer qilishiche, en'giliye bash weziri tony bleyér, öktichi partiyelerning, partlash hujumi dölet bixeterlik organlirining sewenlikidin meydan'gha keldi dégen qarishining tamamen xata ikenlikini bildürgen.

7 – Iyul yüz bergen partlashta hazirgha qeder 49 kishining hayatidin ayrilghanliqi, 31 kishining yoqap ketkenliki, 700 din artuq ademning yarilan'ghanliqi melum bolmaqta.

Xitayning en'giliyide turushluq hökümet xadimining éytishiche, partlashta bir xitay puqrasi yarilan'ghan, bir xitay ayal puqrasi yoqap ketken.

En'giliye qatnash saqchi emeldari endy trottér "eger, londonluqlar sheherge kirip xizmetke chüshmey, normal hayatni eslige keltürmeydiken, u halda partlash hujumini keltürüp chiqarghuchilar öz meqsitige yetken bolidu" dep körsetti. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet