Londonda saqchilar peyshenbe künki partlash weqesi bilen munasiwetlik bir kishini étip öltürdi


2005-07-22
Share

En'giliye paytexti londonda peyshenbe küni yüz bergen 4 yerdiki partlash weqesidin kéyin, saqchilar jüme küni london yer asti poyizida gumanliq bir er kishini étip tashlidi.

En'giliye saqchi da'irilirining ashkarilishiche, yer asti poyizida étip tashlan'ghan gumanliq unsurning peyshenbe küni yüz bergen partlash weqeliri bilen biwaste munasiwiti bariken.

Saqchilar ölgüchining salahiyitini éniqlashqa tirishmaqta. Weqeni öz küchi bilen körgüchilerning bildürüshiche, saqchilar gumanliq ünsürning arqidin qoghlap kélip yerge yatquzghandin kéyin étip tashlighan. Xewerlerge qarighanda ölgüchining üstige bomba téngilghan bolushi mumkin.

Londonda peyshenbe küni ikki heptidin béri ikkinchi qétim partlash weqeliri yüz berdi. Saqchilarning ashkarilishiche, emelge ashmighan 4 yerdiki partlash weqeside bombining piliki ot alghan, emma partlatquch dorisi partlimighan. Weqede adem ölmidi, emma weqeni pilanlighuchilar qéchip ketken idi. Saqchilar jüme küni weqe sadir qilghuchi unsurlarning resimini élan qilghan.

Xewerlerge qarighanda londondiki 4 yerde bayqalghan partlatquch bombining chong - kichikliki we ximiyiwi terkibi, 7 - iyuldiki partlash weqeside ishlitilgen bombilar bilen oxshashken. 7 - Iyulda yüz bergen yer asti poyiz we aptobusdiki partlash weqeliride 56 adem ölgen idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet