Лондондики партлаш вәқәсидә өлгәнләр сани 50 кә йәтти


2005.07.08
BusRear200.jpg
Террорчилар тәрипидин партлитилған аптобуз. AFP

Әнгилийә даирилириниң ашкарилишичә, пәйшәнбә күни лондонда йүз бәргән зәнҗирсиман партлаш вәқәсидә өлгәнләр сани аз дегәндә 50 кә йәтти. Даириләр, партлаш вәқәси йүз бәргән йәр асти пойизида қелип қалған җәсәтләрниң барлиқини билдүрмәктә. Лондондики үч йәр асти пойиз билән бир аптувузда йүз бәргән җәмий төт йәрдики партлаш вәқәсидә 700 киши яриланди. Буниң ичидики 22 кишини яриси еғиркән.

Әнгилийә бихәтәрлик органлири вәқә үстидин кәң- көләмлик тәкшүрүшни башлиған. Лондон сақчи идарисидики даириләр, вәқәниң өзини өлтүрүвелиш характерлик партилтиш икәнликини чәткә қақмаймиз, деди. Әмма уларниң тәкитлишичә, һазирға қәдәр буни испатлайдиған пакит тепилмиған.

Әнгилийә ички ишлар министири кларик, вәқәни исламчи қораллиқ унсурлар пәйда қилған болуши мумкин, дәп көрсәтти.

Хитай һөкүмити җүмә күни баянат елан қилип, "җоңго һөкүмити һәр қандақ шәкилдики терроризимға қарши туриду", дәп тәкитлигән. Бу арида әнгилийиниң гленегилиз базирида ечиливатқан 8 башлиқлар йиғини африқиға 50 милярд, пәләстингә 3 милярд доллар ярдәм бериш пиланини мақуллиди. Әнгилийә баш министири тоний блайир, "биз тероризимниң көләңгүси астида сөзлишиватимиз. Әмма бу бизниң нәтиҗә қазинишимизға тосалғу болалмайду," деди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.