Лондондики партлаш вәқәсини садир қилғучи гумандарлар әнгилийә граждани


2005-07-13
Share

Әнгилийә даирилириниң ашкарилишичә, әнгилийә пайтәхти лондонда йүз бәргән партлаш вәқәсини садир қилғучиларниң һәммиси әнгилийә тәвәликидики мусулман яшлар икәнлики ениқланған.

Вәқә садир қилғучиларниң үчи әнгилийә тәвәликидики пакистанлиқлар болуп, сақчилар вәқә садир қилған 4 кишиниң үчи партлаш җәрянида өлгәнликини муқимлаштурди. 4 - Кишиниң партлаш җәрянида өлгән яки һазирғичә һаят икәнлики техи муқимлашмиған. Гуманлиқ унсурларниң қорами 19 яшдин 30 яшларғичә болуп, йәр асти пойиз истансисидики синалғу аппарати уларниң пойизға олтурған чағдики әһвалини рәсимға еливалған.

Вәқә садир қилғучилар әнгилийидә туғулған шундақла әнгилийә тәвәликидики мусулман яшлар икәнлики кишиләрни чөчитмәктә. Әнгилийә баш министири тоний блайир, лондондики партлаш вәқәсини ялғуз сияси дило әмәс, дәп көрсәтти. Блайирниң тәкитлишичә, вәқәни әсәбий вә рәзил бир идеологийә кәлтүрүп чиқарған. Буниң мәнбәәси исламниң бурмилап чүшәндүрүлгәнлики икән.

Тоний блайир, әнгилийидики мусулман җамаетиниң рәһбәрлири билән бу тоғрисида сөһбәт елип барди. Әнгилийә мусулманлар кеңиши вәқәдин чөчигәнликини билдүргән. Даириләр, тәкшүрүш нишанини партлаш вәқәси садир қилғучиларниң арқисида кимләрниң барлиқиға қаратти. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт