Londondiki partlash weqesini sadir qilghuchi gumandarlar en'giliye grazhdani

En'giliye da'irilirining ashkarilishiche, en'giliye paytexti londonda yüz bergen partlash weqesini sadir qilghuchilarning hemmisi en'giliye tewelikidiki musulman yashlar ikenliki éniqlan'ghan.

Weqe sadir qilghuchilarning üchi en'giliye tewelikidiki pakistanliqlar bolup, saqchilar weqe sadir qilghan 4 kishining üchi partlash jeryanida ölgenlikini muqimlashturdi. 4 - Kishining partlash jeryanida ölgen yaki hazirghiche hayat ikenliki téxi muqimlashmighan. Gumanliq unsurlarning qorami 19 yashdin 30 yashlarghiche bolup, yer asti poyiz istansisidiki sin'alghu apparati ularning poyizgha olturghan chaghdiki ehwalini resimgha éliwalghan.

Weqe sadir qilghuchilar en'giliyide tughulghan shundaqla en'giliye tewelikidiki musulman yashlar ikenliki kishilerni chöchitmekte. En'giliye bash ministiri toniy blayir, londondiki partlash weqesini yalghuz siyasi dilo emes, dep körsetti. Blayirning tekitlishiche, weqeni esebiy we rezil bir idé'ologiye keltürüp chiqarghan. Buning menbe'esi islamning burmilap chüshendürülgenliki iken.

Toniy blayir, en'giliyidiki musulman jama'étining rehberliri bilen bu toghrisida söhbet élip bardi. En'giliye musulmanlar kéngishi weqedin chöchigenlikini bildürgen. Da'iriler, tekshürüsh nishanini partlash weqesi sadir qilghuchilarning arqisida kimlerning barliqigha qaratti. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar