En'giliye londondiki partlash dilosigha chétishliq dep 6 ademni qolghan aldi
2005.07.31
En'giliye saqchi da'iriliri yekshenbe küni, en'giliyining jenubida 6 ademni, 7 - ayning 21 - küni london qatnash wastilirida élip barmaqchi bolghan, emma emelge ashmighan partlitish dilosigha chétishliq dep gumanlinip qolgha aldi.
Buningdin sirt, en'giliye saqchiliri teripidin tutush buyruqi chiqirilghan térror gumandari osman huseyin, rimda italiye saqchiliri teripidin qolgha élinish bilen birge, italiyining shimalida mezkur dilogha chétishliq yene bir en'giliyilik qolgha élin'ghan.
Éfi'opiyide tughulghan 27 yashliq osman huseyin, en'giliye puqrasi bolup, uning esli ismi hamdi isaq iken, u italiye saqchiliridin, özining en'giliye saqchilirigha tapshurulmasliqini telep qilghan.
Mutexessislerning tekitlishiche, gerche yawrupa ittipaqigha eza herqaysi döletler arisida tüzülgen térrorchiliqqa qarshi turush toxtamnamisida, jinayetchining derhal tewe bolghan döletke qayturulushi békitilgen bolsimu, emma 7 - iyul londonda yüz bergen partlashta bir italiyilik hayatidin ayrilghan bolup, eger italiye terep, en'giliyilik jinayetchini özi sotlashni xalisa, u halda italiye soti nöwette öz tewelikide qolgha élin'ghan bu jinayet gumandarliri üstidin höküm chiqirish hoquqigha ige bolidiken.
Italiye saqchilirining éytishiche, qolgha élin'ghan mezkur térror gumandari osman huseyin, partlitish meqsidini ishqa ashuralmay, italiyige qéchip kelgen. (Eqide)
Munasiwetlik maqalilar
- Amérikidiki islam dini ölimaliri térrorchiliqqa qarshi petiwa chiqardi
- London da'iriliri xata öltürüsh üchün braziliyidin epu soridi
- Misirda partlash yüz berdi
- Londonda saqchilar peyshenbe künki partlash weqesi bilen munasiwetlik bir kishini étip öltürdi
- Toniy bléyr en'gliyidiki islam dini rehberliri bilen körüshti