Londunda, musulmanlarning ilim we pen sahesidiki keshpiyatliri heqqide körgezme échildi


2008-03-01
Share

En'giliyining paytexti londonda, musulmanlarning ilim we pen sahesidiki ijad we keshpiyatliri bu sahede dunya medeniyitige qoshqan hessisi heqqide bir körgezme échilghan bolup, körgezmide musulman alimlarning 6‏- esir bilen 16‏- esr arisida ilim we pen sahesidiki keshpiyat we ijadiyetlirining nemuniliri namayish qilin'ghan.

Körgezmide ottura asiya, ottura sherq, afriqa we jenubiy yawropada yashighan musulman alimlarning matématika, astronomiye, xémiye, jughrapiye, tibbiy qatarliq ilim we pen saheliridiki ijadiyetliri we bu sahede otturigha chiqarghan keshpiyatliri, körsitilgen.

"1001 Keshpiyat" namliq bu körgezme, dunya jama'etchilikige, bolupmu yéngi nesillerge musulmanlarning ilim we pen sahesidiki ming yilliq utuqliri we musulman alimlarning ilim we penning tereqqiyatida dunya medeniyitige qoshqan bibaha hessisini tonushturush we dunya jama'etchilikige islam dinini téximu yaxshi chüshendürüshni meqset qilidiken.

En'giliye hökümiti we birnechche xelq'araliq musulman teshkilatining qatnishishi bilen ötküzülgen bu körgezme may éyighiche dawamlishidiken. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet