Америка ярдәмчи ташқи ишлар министири бавчәр оттура асияни зиярәт қилмақта


2007.06.09
Share on WhatsApp
Share on WhatsApp

Ричард бавчәр, президент қурманбек бақийиф билән учрашқандин кейин мухбирларға бәргән баянатида, қирғизистан президенти билән бихәтәрлик, икки дөләт оттурисидики иқтисадий һәмкарлиқни күчәйтиш вә қирғизистандики сиясий вәзийәт қатарлиқ мәсилиләр һәққидә сөһбәтләшкәнликини билдүрди.

Президент бақйиф билән учришиштин бурун қирғизистан ташқи ишлар министири аднан қарабайиф билән көрүшкән ричард бавчәр, бу қетмқи зиярити җәрянида, қирғизистандики һөкүмәтсиз тәшкилатлар вә кишилик һоқуқ тәшкилатлириниң вәкиллири биләнму учришидикән.

Сиясий мулаһизичиләр америка ярдәмчи ташқи ишлар министириниң, шаңхәй һәмкарлиқ тәшкилатиниң йеғинниң һарписида қирғизистанни зиярәт қилғанлиқиға диққәт тартмақта. Уларниң ейтишичә, шаңхәй һәмкарлиқ тәшкилатидин сиясий мәқсәтлирини әмәлгә ашуруш үчүн пайдилиниватқан хитай вә русийә, қирғизистан һөкүмитигә, америка әскәрлирини қирғизистандин чиқириш үчүн бесим қилмақта.

Лекин қирғизистан һөкүмити, қирғизистанниң асаслиқ кирим мәнбәлириниң биригә айланған қирғизистандики америка һәрбий базисини тақашни рәт қилип кәлмәктә. Әмма йеқинда қирғизистан парламентниң алған қарари вә қирғизистандики һөкүмәтсиз тәшкилатлар тәрипидин бишкәктики америка баш әлчиханиси алдида америкиниң манастики һәрбий базисиға қарши елип берилған намайишлар,қирғизистан һөкүмити үстидики бесимни техиму көпәйткән.(Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.