Қирғизистан билән америка 2008-йили америкида бирләшмә маневир өткүзиду


2007.07.14
Share on WhatsApp
Share on WhatsApp

Қирғизистан җиддий әһвални бир тәрәп қилиш министирлиқиниң ашкарилишичә, қирғизистанниң мәзкур министирлиқи америка билән бирләшмә маневир елип беришқа пүтүшкән. Бу пүтүшүм америкиниң қирғизистандики әлчиханисиниң һәрбий һәмкарлиқ ишлири бөлүминиң мәсули подполковник патрик крәб қирғизистан җиддий әһвални бир тәрәп қилиш министирлиқини зиярәт қилип, министир муқамбәт қасималийәв билән сөһбәтләшкәндә оттуриға чиққан.

Қирғизистанниң миллий учур агентлиқи "қабар"ниң хәвәрлиридин қариғанда, қирғизистан алаһидә әһвални бир тәрәп қилиш министирлиқи билән америка тәрәп оттурисидики һәрбий -техника һәмкарлиқлирини давамлиқ елип бериш мәсилилири музакирә қилинған.

Биринчи қетим қирғизистанда болған америка һәрбий вәкили патрик крәб икки тәрәп мунасивәтлирини күчәйтишкә тиришидиғанлиқини билдүргән ,у йәнә америкиниң қирғизистанға һәрбий техника ярдими көрситишкә вә тәҗрибә алмаштурушни мәқсәт қилидиған бирләшмә мәшиқләрни елип беришқа тәйяр икәнликини из 'һар қилған.

Нөвәттә, америкиниң бишкәк айродромида һава армийә базиси мәвҗут болуп, бир ай илгири америка дөләт мудапиә министири робәрт гәйт бишкәкни зиярәт қилип, бу базини сақлап қелишқа келишкән иди.

Бу йил 16- авғуст күни бишкәктә шаңхәй һәмкарлиқ тәшкилатиниң алий дәриҗилик рәһбәрләр йиғини болиду, буниңға һәтта иран президенти әхмәди ниҗатниң көзәткүчи сүпитидә қатнишиши мумкинлики , һәтта шаңхәй гуруһиниң худди астана хитапнамисиға охшаш қарар чиқирип, америкиниң оттура асиядики һәрбий тәсирини чәкләшкә тиришиши пәрәз қилинмақта. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.