Amérika, tinch okyan rayonida herbiy manéwir ötküzmekchi


2007-08-05
Share

Shangxey hemkarliq teshkilati, mezkur teshkilatning tarixidiki eng keng kölemlik herbiy manéwirgha teyyarliniwatqan bir peyitte, amérika seyshenbe küni tinch okyan rayonida ötküzülidighan herbiy manéwir üchün, gu'am arili etrapigha esker yéghishqa bashlidi.

Amérika birleshme agéntliqining xewer qilishiche, bir hepte dawamlishidighan bu herbiy manéwirgha 22000 esker, onlighan urush paraxoti we yüzligen urush ayropilani qatnishidiken.

Ötken yili rayonda ötküzülgen herbiy manéwir, shimaliy koriye teripidin élip bérilghan bashqurulidighan bomba siniqi sewebidin rayonda weziyet keskenleshken bir mezgilge toghra kelgen bolup, amérika hökümiti manéwirgha qatnishiwatqan ikki herbiy paraxotini, shimaliy koriyining bashqurulidighan bomba siniqini küzütish üchün, koriye arili yéqinigha ewetken idi.

Amérika armiyisi, ötken yili élip bérilghan herbiy manéwirgha xitay, hindistan, yaponye we awstraliye qatarliq döletlerdin herbiy küzetküchiler teklip qilghan bolup, xitay hökümiti bir déngiz armiye génralining riyasetchilikide 10 kishilik bir herbiy wekiller ömiki ewetken idi. Lékin bu yilqi maniwérgha héchqandaq chet dölettin küzetküchi teklip qilinmighan.

Amérika herbiy da'iriliri, bu herbiy manéwirning rayonda yüz bériwatqan weqeler bilen munasiwetsiz ikenlikini hemde héchqandaq döletke qartilmighanliqini tekitlimekte. Emma manéwirni teshkilligen amérikining xawayidiki 519‏- hawa armiye etritining bash shtabining mu'awin re'isi, mat loflin birleshme agéntliqigha bergen bayanatida,": bu manéwir asiya-tinch okyan rayonidiki dost we ittipaqdashlirimizgha, amérikining rayonning bixeterlikige qanchilik köngül bülüwatqanliqini körsitip béridu" dégen. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet