Shangxey hemkarliq teshkilati qurulghandin buyanqi üchinchi qétimliq birleshme herbiy manéwirini ötküzidu


2007-08-07
Share

Shangxey hemkarliq teshkilatigha eza döletlerning " 2007 tinchliq burchi" dep nam bérilgen birleshme herbiy manéwiri 9 ‏- awghust rusiyide bashlinip 17 - awghust axirlishidu .

Mezkur manéwirda xitay bilen rusiye asasliq rol alidighan bolup ,nechche ming neper esker hemde 500 din artuq bronéwik manéwirgha qatnashturulidu.

Bir hepte dawam qilmaqchi bolghan bu herbiy manéwirgha tajikistan hemde qirghizistan we qazaqistanmu qisimlarni ewetken. Bu shangxey hemkarliq teshkilati qurulghandin buyanqi eza döletlerning ‏-3 qétimliq herbiy manéwir ötküzüshi hésablinidu.

En'giliye b b s radi'o téléwiziyisining bu heqte bergen xewiride rusiye quruqluq armiye mu'awin qomandani wiladimér wartiniskofning sözini neqil keltürüshiche , bu qétimliq herbiy manéwirgha rusiye az dégende 6000 esker qatnashturghan .

Xitay bolsa 1700 ofitsér hem esker we 46 herbiy ayropilan ewetken.

Shinxu'a agéntliqining xewirige qarighanda, xitay re'isi xu jintaw shangxey hemkarliq teshkilatining mezkur herbiy manéwir jeryanida yeni14 - awghusttin 18 - awghustqiche rusiye , qirghizistan hemde qazaqistanlarda ziyarette bolup herbiy manéwirni küzdin kechüridiken. Shundaqla shangxey birlikining qirghizistanda échilidighan 7 - nöwetlik yighinigha qatnashqandin kéyin mexsus dölet ishliri ziyariti üchün qazaqistan'gha baridiken.

Mezkur herbiy manéwirda her qaysi dölet herbiy qisimliri térrorchilarni bitchit qilish meshiqlirini élip baridighan bolup manéwirning teyyarliq basquchi tamamlan'ghan . B b s ning xewiride eskertilishiche , bezi mulahizichiler " shangxey hemkarliq teshkilati shimaliy atlantik okyan ehdi teshkilatigha qarshi bir reqip hésablinidu, chünki shangxey birliki ichide bir herbiy ittipaq mewjut, u shimaliy atlantik ehdi teshkilatining " térrorchiliqqa qarshi urush" bahaniside asiyagha kéngiyishini tosushni meqset qilghan " dep analiz qilmaqta. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet