Shangxey hemkarliq teshkilatining térrorluqqa qarshi herbiy manéwiri resmiy bashlandi


2007-08-09
Share

Shangxey hemkarliq teshkilatining térrorluqqa qarshi birleshme herbiy manéwiri peyshenbe küni, Uyghur élide resmiy bashlandi. Xitay we rusiye armiyisi qatnashqan " ténchliq burchi 2007 " namliq herbiy manéwir shangxey hemkarliq teshkilati qurulghandin béri ötküzülgen 3 ‏- qétimliq birleshme herbiy manéwir hésablinidu.

9 ‏- Awghusttin 17 ‏- awghustqiche dawamlishidighan manéwir Uyghur élide bashlinip rusiyining chélyabinski oblastida axirlishidu. Manéwirgha rusiyining 2000 eskiri , 36 urushchi we tik uchar ayrupilani, xitayning 1700 eskiri, 46 ayrupilani bolup, 6 mingdin artuq esker qatnishidu.

Bu qétimqi manéwirgha qazaqistan, tajikistan ayrim ‏- ayrim halda herbiy qisimlirini qatnashturghandin sirt, qirghizistan we özbékistanlarmu alahide qisimlirini qatnashturdi.

Shangxey hemkarliq teshkilatigha eza 6 döletning, herbiy shitab bashliqliri peyshenbe küni ürümchide, térrorluqqa qarshi herbiy manéwirning resmiy bashlan'ghanliqini élan qildi.

Xitay dölet re'isi xu jintaw, mushu ayning otturiliri rusiyide shangxey hemkarliq teshkilatining mezkür birleshme manéwirini közdin kechüridu.

Xu jintaw yene, 14 ‏- awghusttin 18 ‏- awghustqiche qirghizistanda ziyarette bolush birge, qirghizistanda ötküzilidighan shangxey hemkarliq teshkilatigha eza döletlerning bashliqlirining uchrishishigha qatnishidu. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet